काठमाडौं– नेपाली बजारमा सोमबार सुन र चाँदी दुबैको मूल्य बढेको छ। आज सुनको मूल्य तोलामा २०० रुपैयाँ बढेको हो भने चाँदीको १५ रुपैयाँ बढेको हो।
नेपाल सुनचाँदी व्यवसायी संघका अनुसार आज छापावाल सुन प्रतितोला १ लाख २६ हजार ७०० रुपैयाँमा कारोबार भइरहेको छ। त्यसैगरी, तेजाबी सुन भने प्रतितोला १ लाख २६ हजार १०० रुपैयाँमा कारोबार भइरहेको छ। गत शुक्रबार छापावाल सुन प्रतितोला १ लाख २६ हजार ५०० रुपैयाँमा कारोबार भएको थियो।
त्यस्तै, गत शुक्रबार १ हजार ५०० रुपैयाँमा कारोबार भएको चाँदीको मूल्य आज बढेर १ हजार ५१५ रुपैयाँ पुगेको छ।