काठमाडौ – आज बिहीबारका दिन सुन प्रतितोला २८ सय रुपैयाले महंगिएको हो। नेपाल सुनचाँदी व्यवसायी महासंघका अनुसार बिहीबार छापावाला सुन १ लाख १८ हजार ८०० र तेजावी सुन १ लाख १८ हजार २५० रुपैयाँ प्रतितोला कायम भएको छ। बुधबारका दिन बजारमा छापावाला सुन १ लाख १६ हजार र तेजावी सुन १ लाख १५ हजार ४५० रुपैयाँ प्रतितोलामा कारोबार भएको थियो।

त्यस्तै, आज चाँदीको मूल्यपनि प्रतितोला ५५ रुपैयाँले महंगिएको छ। बुधबार प्रतितोला १ हजार ४०० रुपैयाँमा कायम भएको चाँदी बिहीबार १ हजार ४५५ रुपैयाँमा कायम भएको हो ।