काठमाडौं– गैर आवासिय नेपाली संघ (एनआरएन) अष्ट्रेलियाको चुनावमा अष्ट्रेलियामा बस्दै आएकी सन्ध्या शाह होमिएकी छन् । बाँके जिल्लाकी सन्ध्या शाह १४ बर्षदेखि अष्ट्रेलियाको सिड्नीमा बस्दै आएकी छिन् । शाहले एनआरएनए अष्ट्रेलियाको उपाध्यक्ष र ( एनएसडब्ल्यू राज्य संयोजक) पदमा आफ्नो उम्मेदवारी घोषणा गरेकी छिन् । उनी हाल एनआरएनए अष्ट्रेलियाको सचिव छन् । उनले अष्ट्रेलिया नारी निकुन्जको सदस्य हुँदै एनएसडब्ल्यु राज्य समितीको महिला संयोजक, राष्ट्रिय संयोजक भएर काम गरिसकेको । कुशल र प्रष्टवक्ता शाह प्रजातान्त्रिक प्यानलबाट उठेकी आधिकारीक उम्मेद्वार हुन् ।
उनले अष्ट्रेलियामा बसेका नेपालीलाई मात्र सहयोग होइन नेपालमा भुकम्प जाँदा होस् वा कोरोना फैलिएको बेला होस नेपालका विभिन्न ठाउँमा समस्यामा परेकालाई सहयोग गर्दै आएकीछन् ।

‘‘मैले प्रवासमा रहदै गर्दा अन्तर मनले विश्वाश गरेको संस्था एनआरएनए हो र मन वचन अनि कर्मले सन् २००९ विगत १४ वर्ष देखि नै आफुलाई समाहित गर्दै आएको पनि छु’ उनले भनिन् ‘नेपालीलाई परेको समस्यामा म कहिल्यै पछाडी हटेकी छैन र हटदिन पनि । जति सक्छु सेवा गर्छु, गरिरहने छु ।’ उनले यस पवित्र संस्था एन आर एन अस्ट्रेलियाले आफ्नो स्थापना कालदेखि प्रवासी नेपालीको हकमा र मातृभूमिको लागि धेरै काम गर्दै आइरहेको बताइन् । ‘स्वदेशमा होस वा विदेशमा नेपालीले समस्या पर्यो भनेपछि हामीले हरेक तरिकाले सहयोग गर्दै आइरहेका छौं ।