काठमाडौं– नेपाल उधोग ब्यापार महासंघ काठमाडौंको अध्यक्षमा शेखर श्रेष्ठ निविरोध निर्वाचित भएका छन् ।
काठमाडौं जिल्ला प्रथम राष्ट्रिय सम्मेलनबाट उनको नेतृत्वमा नयाँ कार्यसमिति चयन भएका हुन । श्रेष्ठ विभिन्न व्यवसायसगैं समाजसेवामा सक्रिय छन् । हाल साहारा एपका अध्यक्षका साथै नौलखा साकोसको अध्यक्ष समेत रहेका छन् ।

महासंघको बरिष्ठ उपाध्यक्षमा युवराज बराल, उपाध्यक्ष (उधोग) राजु गिरी, उपाध्यक्ष (बाणिज्य) गोपाल प्रसाद सापकोटा चयन भएका छन् ।
त्यसैगरी महासचिबमा गोबिन्द मर्हजन, कोषाध्यक्षमा रिपेन्द्र सिवाकोटी, सह–कोषाध्यक्ष युबराज ढकाल, सचिबमा शिब प्रसाद लामिछाने र तुलसीराम नेपाल चयन भएका छन् ।

नेकपा (माओवादी केन्द्र) का सचिब एंव पुर्व मन्त्री दिननाथ शर्माको प्रमुख आतिथ्यतामा सम्पन्न सम्मेलनमा ,काठमाडौं जिल्लाका अध्यक्ष उमेश स्थापित, काठमाण्डौ महानगरका रबिन्द्र श्रेष्ठको उपस्थिति रहेको थियो । महासंघका उपाध्यक्ष श्याम श्रेष्ठ, सचिब गिता पनेरु, महासंघका बागमति प्रदेशका अध्यक्ष ध्रुव थापा ,महासचिब नबराज न्यौपाने लगायताका व्यक्तिहरुको आतिथ्यतामा सम्पन्न सम्मेलनमा काठमाडौंका माओवादी केन्द्र निकट व्यवसायीहरुको उपस्थिती रहेको थियो ।