काठमाडौं- एनएमबि बैंकले नेपाली महिलालाई लक्षित गरी आकर्षक बचत योजना ‘एनएमबि स्मार्ट नारी बचत खाता’ योजना ल्याएको छ ।उक्त योजना अन्तर्गत ग्राहकहरूले स्वास्थ्य जाँचमा गरिने डिजिटल भुक्तानीमा वार्षिक पाँच हजार रुपैयाँसम्म क्यासब्याक पाउन सक्ने बैंकले जनाएको छ ।

त्यसैगरी ग्राहकले निःशुल्क डेबिट कार्ड, क्रेडिट कार्ड, डलर कार्ड, मेरो सेयर, डिम्याट लगायत सुविधाहरू लिनसक्ने छन् । यस योजना अन्तर्गत ग्राहकले रिटेल कर्जा र महिला उद्यमशील कर्जामा कर्जा प्रशासनिक शुल्कमा ०.२५ प्रतिशत सम्म छुट प्राप्त गर्न सक्ने बैंकले उल्लेख गरेको छ ।