काठमाडौं– बैंक अफ काठमाण्डू लिमिटेडले उच्चतम ब्याजदरबाट लाभान्वित बनाउने उद्देश्यले बीओके प्रिमियम प्लस बचत खाता सार्वजनिक गरेको छ ।

‘अब बचत गर्ने अझ बढ्नेछ रहर, जब पाइन्छ अन्य खाताहरू भन्दा अधिक ब्याजदर’ भन्ने मूलनाराका साथ सार्वजनिक गरिएको यस बचत खातामा ग्राहकले ८.०३%को उच्चतम ब्याजदर पाउन सक्नेछन् । साथै, रु. १० हजारको न्यूनतम मौज्दात राखी खाता खोल्न सकिने यस बचत खातामा ग्राहक महानुभावहरूलाई थुप्रै निःशुल्क बैंकिङ्ग सेवाहरूको व्यवस्था रहेको छ ।