काठमाडौं– प्रसाईसन इन्टरटेनमेन्टको आयोजनामा क्षमता भएर पनि अवसरबाट बन्चित प्रतिभाहरुको लागि मध्य नजर राखेर संगीत प्रतियोगिताको आयोजना हुने भएको छ । प्रसाईसन इन्टरटेनमेन्टका प्रवन्ध निर्देशक एवम् गीतकार–गजलकार चन्द्र प्रसाई ‘परिष्कृत’को शब्द रचनामा ‘जीवनले रुझायो’ बोलको गीतमा संगीत प्रतियोगिताको आह्वान गरिएको छ ।
२०७९ बैशाख १५ गतेसम्मको समयमा संगीतकारले आफैँ गाएको भिडियो पठाउनुपर्ने छ । प्रथम हुने संगीतकारलाई ५००००÷ (पचास हजार) नगद पुरस्कार र प्रमाणपत्र प्रदान गरिनेछ भने उक्त गीत रेकर्डिङ गरि सार्वजनिक गरिनेछ ।
संगीत प्रतियोगिताको निर्णायक मण्डलमा विश्वकीर्तिमानी संगीतकार सन्तोष श्रेष्ठ, गायक आनन्द कार्की र गायिका प्राश्ना शाक्य रहेका छन् ।

गीत
म आफैँ रूझेँ कि जीवनले रुझायो
आँखाको आँसुले मुटु नै भिजायो

यो माया भन्नु नै रहेछ विचित्र
धेरै छन् गुनासा सम्बन्ध भित्र
चर्केर माया सिसाझैँ बिझायो
आँखाको आँसुले मुटु नै भिजायो

छ पिडा मनमा असह्य दुख्छ
दुख्छ धेरै दुख्छ खै किन दुख्छ
दुखेको मनले विरह सुनायो
आँखाको आँसुले मुटु नै भिजायो