काठमाडौं – स्वास्थ्य तथा जनसङ्ख्या मन्त्रालयले काठमाडौँ जिल्लाका १९ वटा खोप केन्द्रबाट कोरोना भाइरस विरुद्धको ‘बुस्टर’ डोज उपलब्ध गराइरहेको छ । यही माघ २ गतेदेखि अग्रपङ्क्तिमा काम गर्नेलाई काठमाडौँ उपत्यकाका १९ ठाउँबाट ‘बुस्टर’ डोज लगाउन थालिएको मन्त्रालयका सहप्रवक्ता डा समिरकुमार अधिकारीले जानकारी दिए ।

पहिलो चरणमा अग्रपंक्तिमा खटिने स्वास्थ्यकर्मीलाई दिएपछि ६० वर्षभन्दा माथिकालाई माघको दोस्रो सातादेखि बुस्टर दिने स्वास्थ्य मन्त्रालयले जनाएको छ ।