काठमाडौं– सुनको मूल्य नेपाली बजारमा बिहीबार तोलामा ७०० रुपैयाँले घटेको छ । बुधबार तोलामा ६०० रुपैयाँले बढेको सुनको भाउ बिहीबरै ७०० रुपैयाँले घटेको हो ।

नेपाल सुनचाँदी व्यवसायी महासंघका अनुसार बिहीबार सुनको भाउ तोलामा ७०० रुपैयाँले घटेर छापावाल सुन ९० हजार ५०० रुपैयाँ र तेजावी सुन ९० हजार रुपैयाँमा झरेको छ ।

बुधबार तोलामा ६०० रुपैयाँले बढेर छापावाल सुन ९१ हजार २०० रुपैयाँ र तेजावी सुन ९० हजार ७०० रुपैयाँमा कारोबार भएको थियो ।

यता बिहीबार चाँदीको भाउ भने स्थीर बनेको छ । चाँदीको भाउ लगातार ३ दिनदेखि स्थिर रहेको छ । आज चाँदी तोलाको १ हजार २०० रुपैयाँमा कारोबार भैरहेको महासंघले जनाएको छ ।