काठमाडौं – सरकारले विद्युत प्राधिकरणको कार्यकारी निर्देशनमा कुलमान घिसिङलाई नियुक्त गरेको छ । लोडसेडिङ घटाउन र प्राधिकरणको सुधार गर्न महत्वपूर्ण भूमिका खेलेका घिसिङलाई केपी ओली नेतृत्वको सरकारले पुर्ननियुक्ती दिन अस्वीकार गरेको थियो । कांग्रेस नेतृत्वको सरकारले जनभावना र प्राधिकरणको हितलाई हेरेर घिसिङलाई नियुक्त गरेको हो ।
अहिलेका कार्यकारी निर्देशक हितेन्द्र देव शाक्यलाई जल तथा ऊर्जा आयोगमा विशिष्ठ श्रेणीको पद -सचिव) सरहको पूर्ण कालीन सदस्य पदमा पदस्थापन गर्ने निर्णय पनि गरेको छ । त्यसका लागि आयोगको गठन आदेशमा समेत संशोधन गरिएको छ ।