काठमाडौं –  प्राइम कमर्सियल बैंकले कैलाश विकास बैंकलाई प्राप्ती(एक्विजिशन) गरी एकिकृत कारोबार शुरु गरेको छ । प्राप्ती पश्चात प्राइम कमर्शियल बैंक लिमिटेडको नामबाट फागुन २९ गते(आज) बाट एकिकृत कारोबार शुरु भएकाे हाे ।

प्राइम कमर्शीयल बैकले कैलाश विकास बैंकलाई १००ः९४ हाराहारीको सेयर स्वाप रेसियोमा गाभ्ने गरी गत असोज १५ गते सहमति गरेको थियो ।

अब प्राइम कमर्सियल बैंकको कुल शाखा संख्या १९९ हुनेछ । प्राइम बैंकको केन्द्रीय कार्यालय कमलपोखरी काठमाडौंमा रहेको छ भने ‘ख’ वर्गको वित्तीय संस्था कैलाश विकास बैंकको केन्द्रीय कार्यालय काठमाडौं महानगरपालिका वडा नं.३२, न्यूप्लाजामा रहेको छ ।