काठमाडौं– सरकारले मुलुकको अर्थतन्त्रमा वाणिज्य क्षेत्रको योगदान बढाउन महत्त्वपूर्ण भूमिका खेल्दै आएका निर्यातकर्ता, लगानीकर्ता, रोजगारदातालाई व्यावसायिक व्यक्तित्व (सीआईपी) अवार्डबाट सम्मान गरेको छ । उद्योग, वाणिज्य तथा आपूर्ति मन्त्रालयले आज गरेको कार्यक्रममा प्रधानमन्त्री केपी शर्मा ओलीले सम्मान गरेका हुन ।
सरकारले १३ विधामा २५ उद्योगी व्यवसायीलाई सम्मान गरिएको हो । सीआईपी सम्मान चार वर्षदेखि रोकिएको थियो । सीआईपी अवार्ड पाउने व्यक्तित्वहरूमा तेस्रो मुलुकतर्फ निकासी रकमको आधारमा धागोतर्फ रामचन्द्र संघई, ऊनी गलैंचातर्फ दोर्जे ग्याल्सेन लामा, तयारी पोसाकतर्फ राहुलमान शाक्य, पश्मिना सलतर्फ सूर्यकुमार गुरुङ र उनी फेल्ट उत्पादनतर्फ एभरेस्ट फेसनले धेरै निकाय गरेको आधारमा यो अवार्ड प्राप्त गरे ।
भारततर्फ रकमको आधारमा निकासीकर्तामध्येबाट डाबर नेपालका हरकिरत सिंह बेदी, दिव्यराज सापकोटा, युक्ति गोल्छाले यो अवार्ड पाए । यस्तै चीनतर्फ रकमको आधारमा निकासीकर्ता मध्येबाट पेम्बा दोर्जे शेर्पा, विश्वराज बस्नेत, मच्छिन्द्र पाण्डेले अवार्ड प्राप्त गरे ।
कृषिजन्यतर्फ सुजनकुमार श्रेष्ठ, निर्वाणकुमार चौधरी, निर्यात व्यापारतर्फ राजलक्ष्मी गोल्छा, सफ्टवेयर निर्यातमा दीपेश प्रधानले अवार्ड पाए । उद्योग स्थापना भई सञ्चालनमा रहेका सबैभन्दा बढी लगानी गर्ने ९स्वदेशी श्रम र सीप उपयोग गर्ने० उत्पादनमूलक उद्योगतर्फ लिऊ शु कुवाङले यो अवार्ड पाए । उनी होङ्शी सिमेन्टका प्रबन्ध निर्देशक हुन् ।

सबैभन्दा बढी रोजगारी सिर्जना गर्ने उद्यागी व्यवसायीतर्फबाट पवनकुमार गोल्याणले र बैंकिङ प्रणालीमार्फत रेमिट्यान्स कारोबार गरी सबैभन्दा बढी वैदेशिक मुद्रा भित्र्याउने कम्पनी(व्यवसायीबाट चन्द्रप्रसाद ढकालले यो अवार्ड पाए । ढकाल आइएमईका अध्यक्ष हुन् ।

यस्तै पर्यटन क्षेबाट सबैभन्दा बढी विदेशी मुद्रा आर्जन गर्ने होटल व्यवसायीबाट तारागाउँ रिजेन्सी ९ह्यात० होटलका कार्यकारी सञ्चालक सुरेशलाल श्रेष्ठ अवार्डबाट सम्मानित भए । युवा उद्यमीतर्फ महिलाबाट सुनीता शेर्पा र पुरुषबाट अक्षय गोल्याणले यो सम्मान पाए ।

निर्यात व्यापारका साथै वाणिज्य क्षेत्रमा प्रवर्द्धनात्मक कार्य गरी आर्थिक विकासमा उल्लेख्य योेगदान पु¥याएका संघका अध्यक्षहरूमा नेपाल उद्योग वाणिज्य महासंघकी अध्यक्ष भवानी राणा, नेपाल चेम्बर अफ कमर्सका अध्यक्ष राजेशकाजी श्रेष्ठ, नेपाल उद्योग परिसंघका अध्यक्ष सतिशकुमार मोरले आईसीपी अवार्ड प्राप्त गरे ।