१३ औँ दक्षिण एसियाली खेलकुद (साग) अन्तर्गत पुरुष फुटबलमा दशरथ रंगशालामा जारी साग फुटबलको फाइनलमा नेपालले भुटानविरूद्ध २-१ गोलको अग्रता लिएको छ। खेलको ५३ औं सुनिल बलले हेडिङबाट गोल थपेका हुन्।

यसअघि खेलको १६ ‍औं मिनेटमा अभिषेक रिजालले सिक्सयार्ड बक्सभित्र मौका पाएपछि गोल हानेका थिए। कप्तान तथा स्ट्राइकर घाइते भएर मैदान बाहिर निस्कनेबित्तिकै विंगर रिजालले नेपाललाई अग्रता दिलाएका हुन्। खेलको ३७ औं मिनेटमा भुटानी कप्तान चेन्चो ग्याल्सेनले गोल फर्काएका थिए।
आजको फाइनल जिते नेपालले लगातार दोस्रो पटक साग फुटबलको उपाधि चुम्नेछ।
तीन वर्षअघि भारतमा भएको सागमा नेपालले आयोजक भारतलाई हराएर स्वर्ण जितेको थियो। नेपालले अहिलेसम्म तीन पटक साग फुटबलको उपाधि जितेको छ।