मोरङ – आइतबार बिहान मोरङको बुढींगंगा गाउँपालिका ४ मा स्कुल बस दुर्घटना हुँदा दुई जना शिक्षिका घाइते भएका छन् ।
विद्यार्थी लिन गइरहेको को १ ख १९८२ नम्बरको बस गाउँपालिकाको भित्री खण्डमा पर्ने सडकमा दुर्घटना भई नहरमा खसेको थियो । दुर्घटनामा बुढींगगा १ स्थित जुभियर्स बोड्रिङ स्कुलका शिक्षिका २२ वर्षीया युनिका घिमिरे र २४ वर्षीया सम्झना अधिकारी घाइते भएका छन् ।
घाइतेहरुको विराटनगर स्थित नोवेल मेडिकल टिचिङ अस्पतालमा उपचार भइरहेको छ । चालक ५२ वर्षीय बलराम खतिवडालाई नियन्त्रणमा लिएको मोरङ प्रहरीले जनाएको छ ।