काठमाडौं – नेपाली कांग्रेस काठमाडौंको उपसभापतिमा विजय माली मनोनित भएका छन् । कांग्रेस काठमाडौंका सभापति कृष्ण बानियाँको अध्यक्षतामा बुधवार बिहान बसेको बैठकले मालीलाई उपसभापतिमा मनोनयन गरेको हो ।
कार्यसमितिका सचिवमा शंकर मल्ल ठकुरी र सहसचिवमा रोेमेल श्रेष्ठ रहेका छन् । काठमाडौं कांग्रेसले यसअघि नै रिक्त सदस्य मनोनयन गरेपनि पदाधिकारी भने मनोनयन गर्न बाँकी रहेको थियो ।
उक्त पदमा मनोनयन भएसँगै काठमाडौं कांग्रेस जिल्ला कार्यसमितिले पूर्णता पाएको छ । नवनियुक्त पदाधिकारीलाई बुधवारै कांग्रेसका पूर्वमहामन्त्री प्रकाशमान सिंहले बधाई तथा शुभकामना दिएका छन् ।