काठमाडौं–एयरहोस्टेजको जागिर लगाइदिन्छु भन्दै ठगी गर्ने एक जना पक्राउ परेका छन्। पक्राउ पर्नेमा दाङ घर भएका २६ वर्षीय भरत खड्का रहेका छन्।
उनले गल्फुटार बस्ने कृपा लिम्बू, उर्मिला चौधरी र गोमा विश्‍वकर्मा लगायतलाई एयरहोस्टेजको जागिर लगाई दिन्छु भनी ६ लाख ठगी गरी सम्पर्कविहिन भएका थिए। पीडितहरूले उजुरी गरेपछि उनलाई हिजो (आइतबार) बालाजुबाट पक्राउ गरिएको हो। उनीमाथि अनुसन्धान भइरहेको प्रहरीले जनाएको छ।