काठमाडौँ – सर्वोच्चले तीन महिनाभित्र एनसेलको पूँजीगत लाभकर निर्धारण गरी उठाउन सरकारलाई आदेश दिएपछि ठूला करदाता कार्यालयले ६२ अर्ब ६३ करोड ४९ लाख ७५ हजार ५६६ रुपैयाँ ७१ पैसा कर निर्धारण गरेको छ ।

अहिलेसम्म एनसेलले २३ अर्ब भन्दा बढी कर बुझाइसकेको भन्दै करदाता कार्यालयले अब सात दिनभित्र थप ३९ अर्ब बुझाउनुपर्ने निर्णय गरेको हो । कार्यालयले पहिला एनसेलले तिरिसकेको करलाई मिलान गरी अब तिर्नुपर्ने बाँकी रकम कर निर्धारण गरेको हो ।
कर निर्धारण पत्र एनसेललाई बुझाइसकेको करदाता कार्यालयले बतायो ।
करदाता कार्यालयको निर्णय