काठमाडौं– ओम डेभलपमेन्ट बैंकको सहयोगमा दृष्टिविहीनका लागि पोखरामा कम्प्युटर शिक्षा तालिम सुरु भएको छ । बैंकको आर्थिक सहयोग र कम्प्युटर एसोसिएसन नेपाल (क्यान) महासंघ कास्की शाखाको आयोजनामा सञ्चालित तालिमको बैंकका प्रमुख कार्यकारी अधिकृत विश्वमोहन अधिकारीले उद्घाटन गरेका थिए । पोखरामा आयोजना हुने ‘भायानेट क्यान इन्फोटेक–२०१९ इन एसोसिएसन विथ आइएमई पे’को पूर्वसन्ध्यामा तालिम आयोजना गरिएको हो ।

पोखरामा केन्द्रीय कार्यालय रहेको ओम डेभलपमेन्ट बैंकले संस्थागत सामाजिक उत्तरदायित्व कार्यक्रमको निरन्तरत स्वरूप कार्यक्रम सञ्चालन गरेको जनाएको छ ।
यसअघि खैरेनी मावि खैरेनीटार तनहुँको पुस्तकालयलाई पुस्तक हस्तान्तरण र सिद्धेश्वर महादेव वृद्धाश्रम गैँडाकोटलाई आर्थिक सहयोग एवं हरिहर आश्रम देवघाटलाई कम्प्युटर हस्तान्तरण गरेको बैंकका प्रमुख कार्यकारी अधिकृत विश्वमोहन अधिकारीले बताए ।