यामाहाले आफ्नो दमदार बाइक एफजेड रेन्जको अपडेटेड भर्सन भारतीय बजारमा लन्च गरेको । नयाँ बाइकमा सिंगल च्यानल एबीएस स्ट्यान्डर्डको रुपमा उपलब्ध छ ।

यामाहाले एफजेड–एफआई भी ३.० एबीएसको मूल्य ९५ हजार र एफजेडएस–एफआई भी ३.० एबीएसको मूल्य ९७ हजार भारु तोकेको छ ।

नयाँ एफजेड–एफआई भी ३.० पुरानो मोडल जस्तै सार्प र मस्कुलर लुकमा उपलब्ध छ । यद्यपि यसको इन्धन ट्यांकी भने फरक देखिन्छ ।

इन्धन ट्यांकीको अघिल्लो भागमा ग्रिल जस्तै एयर भेन्ट छ । यसका कारण नै बाइक धेरै दमदार देखिएको छ । यो बाइक सिंगल सिट अप्सनमा पनि उपलब्ध छ ।

बाइकमा नयाँ एलोई ह्विल र दुई पटक डिजाइन गरिएको फेन्डर्स छ । पछिल्लो भागमा नयाँ टेल लाइट र बडी वर्क छ । बाइकमा नयाँ एलसीडी इन्स्ट्रयुमेन्ट क्लस्टर र एलईडी हेडलाइट छ ।

मेकानिकल्ली यसको इन्जिनमा कुनै परिवर्तन गरिएको छैन । बाइकमा १४९ सीसी एयरकुल्ड टु भल्व सिंगल सिलिन्डर इन्जिन उपलब्ध छ । यसले १३.२ बीएचपी पावर र १२.८ एनएम टर्क जेनेरेट गर्छ । यसमा ५–स्पिड गियरबक्स छ ।