काठमाडौं– मिसन डेभलपमेण्ट बैंकको साधारणसभाले ११ प्रतिशत बोनस सेयर पारित गरेको छ । अब बैंकको ५१ करोड ९२ लाख ८० हजार दुई सय रुपैयाँ चुक्ता पुँजी रहेको बैंकको बोनस पछि ५७ करोड ६४ लाख ११ हजार २२ रुपैयाँ चुक्ता पुँजी पुग्नेछ ।
साथै उक्त साधारणसभाले आर्थिक बर्ष २०७४÷७५ बार्षिक प्रतिवेदनको छलफल, लेखाप्रतिवेदन, नगद लाभांश, लेखापरीक्षक नियुक्तीको अख्तियारी, सञ्चालकहरुको निर्वाचन लगायत मर्जरको लागि आवश्यक कमिटी गठनको लागि सञ्चालक समीतिलाई अख्तियारी दिएको छ ।
साधारणसभाले चार जना सञ्चालक समीति सदस्य चयन गरेको छ । जसमा ऋषिराम पाण्डे, टिकाराम घिमिरे, धर्मराज पौडेल, लिल बहादुर केसी रहेका छन् ।
तीन जिल्ला कार्य क्षेत्र भएको बैंकले २० वटा शाखा कार्यालयहरुबाट वित्तीय सेवा प्रदान गर्दै आएको छ ।