लोकप्रिय गायिका तथा मोडल रमिता भण्डारी आफ्नो तेस्रो एल्वमको तयारीमा जुटेकी छिन् । गायनसगैं अभिनयमा व्यस्त रमिताले अभिनय गरेका गीतहरु सार्वजनिक भएसगैं दर्शक श्रोताको मन जित्न सफल हुने गरेका छन् । गायनसगैं अभिनय, लेखनमा पनि पोक्त भएकी रमिता इभेन्टको क्षेत्रमा चर्चित नाम हो ।
दुई वटा सोलो एल्वम ल्याइसकेकी भण्डारी इभेन्ट कम्पनि रशलाइट मिडियाकी अध्यक्ष हुन । उनले नेपालमा मात्र होइन दुवई, हङकङ, भारत जस्ता मुलुकमा सफलता पूर्वक कार्यक्रम सम्पन्न गरेकी छिन् ।
उनले जीवनको यात्रामा तिता मिठा अनुभवहरु संगालेकी छन् । दुःख र पिडालाई शक्तिमा रुपान्तरण गर्दै संघर्षको यात्राबाट सफलताको मार्गमा लम्किरहेकी छिन् । रमिता भण्डारी नेपालीको मन मुटुमा बस्न सफल गायिका तथा मोडल हुन । नेपाली गीतसंगीतमा लाग्दै गर्दा साथीभाईको हौसलाले उनी मोडलिङ क्षेत्रमा पनि प्रवेश गरिन । उनी गायिका, मोडल मात्र होइन कोरियोग्राफरको रुपमा परिचित छिन् । धेरै फेशन शो तथा सौन्दर्य प्रतियोगितामा कोरियोग्राफरको रुपमा काम गरेकी छिन् । जस्तो सुकै कठिनाइमा पनि नेपाली गीतसंगीतको क्षेत्र भने नछोड्ने अठोट लिएकी छन् । परिवारको साथ र सहयोगले उनको यात्रालाई अझ सहज बनाएको अनुभुति गरेकी छन् । कार्यक्रम गर्न सहज नभए पनि उनले वर्षमा धेरै कार्यक्रमहरु सफल रुपमा आयोजना गर्दै आएकी छन् । अहिले नेपाल फेशन आइडल २०१७ नामक सौन्दर्य प्रतियोगिता गर्दै छिन् । फेशन शो कार्यक्रमहरु गर्दै आएकी रमिता दशैंको अवसरमा अर्को फेशन शो गर्ने तयारीमा छिन् । अब छिट्टै तेस्रो एल्वम श्रोता माझ ल्याउने उनले बताइन ।