किरण अधिकारी, अर्थ नेपाल
नुवाकोट/बाँके र बर्दिया जिल्लाका बाढीपीडितलाई भेरी कलाकार समाज काठमाडौंले राहत वितरण गरेको छ ।
बाँके जिल्लाको राप्तीपारि लालपुर गाउँमा ८२ घरपरिवारलाई एक लाख रुपैयाँ बराबरको राहत वितरण गरेको हो । यस्तै, बर्दिया जिल्लाको भादाखोला सुर्जेगौडीमा ९६ घरपरिवारलाई एक लाख रुपैयाँ बराबरको राहत वितरण गरेको छ ।

राहत वितरणमा भेरी कलाकार समाज काठमाडौंकी अध्यक्ष गायिका टीका पुन, महासचिव मोडल तथा नायिका दीपाशा बिसी र सहकोषाध्यक्ष राजु सोनाम र सदस्य बलु आरसी गएका थिए ।