काठमाडौं- समृद्धि फाइनान्स लिमिटेडको प्रमुख कार्यकारी अधिकृत (सिइओ)मा सन्तोष कुमार घिमिरे नियुक्त भएका छन् । बिहीवार सञ्चालक समितिको बैठकले उनलाई  सीइओ नियुक्त गर्ने निर्णय गरेको हो ।

घिमिरेलाई आगामी वैशाख १ गतेदेखि लागु हुने गरि सीइओ नियुक्त गरिएको  हो । हालका सीइओ टीका निधि लोहनीले राजीनामा दिएपछि कम्पनीले घिमिरेलाई २०८२ वैशाख १ गतेदेखि लागू हुने गरी चार वर्षका लागि नियुक्त गरेको जनाएको छ।

चैत मसान्तसम्मका लागि भने संस्थाका नायव महाप्रबन्धक रहेका विनोद राज पौडेललाई कायम मुकायम सीइओको जिम्मेवारी दिएको छ।