काठमाडौं– आइतबार दिउँसो राजधानीका घट्टेकुलो र सुकेधारामा भएका दुई विस्फोटमा परी मृत्यु हुनेको संख्या चार पुगेको छ। सुकेधारामा घाइते भएका एक जनाको उपचारको क्रममा आइतबार साँझ निधन भएपछि मृतकको संख्या चार पुगेको हो। यसअघि घट्टेकुलो र सुकेधारामा दुई जनाको घटनास्थलमै मृत्यु भएको थियो। सुकेधारा विस्फोटमा घाइते भएका दुई जनाको उपचारका क्रममा मृत्यु भएको हो। घाइते पाँच जनाको उपचार भइरहेको छ।