काठमाडौँ – नेपालका लागि फोटोन मोटरको आधिकारिक वितरक एमएडब्लू वृद्धि कमर्सियल भेहिकलले उत्कृष्ट बिक्रीपछिको सेवा र ग्राहक हेरचाहलाई थप सुदृढ बनाउन पश्चिम र पूर्वी नेपालमा चरणबद्ध रूपमा ‘फोटोन इभी टोटल केयर क्याम्प’ सञ्चालन गर्न लागेको छ।

यस पहलको उद्देश्य देशका प्रमुख स्थानहरूमा सेवाको सुविधालाई ग्राहक नजिकै पुर्‍याउँदै दीर्घकालीन विश्वास र पहुँच सुनिश्चित गर्नु हो। यस अभियान अन्तर्गत फोटोनले आफ्ना सबै विद्यमान इभी ग्राहकहरूलाई विशेष लाभ तथा निःशुल्क सेवाहरू प्रदान गर्दै आभार र प्रतिबद्धता व्यक्त गरिरहेको छ।

फोटोन इभी टोटल केयर क्याम्प दुई चरणमा गरी प्रमुख ६ स्थानहरूमा सञ्चालन हुनेछ। पहिलो चरण २०८२ चैत २२ देखि २०८३ वैशाख ४ सम्म पश्चिम नेपालका बुटवल, धनगढी, दाङ र सुर्खेतमा सञ्चालन हुनेछ।

दोस्रो चरण २०८३ वैशाख ६ देखि १७ सम्म पूर्वी नेपालका इटहरी र बिर्तामोडमा आयोजना गरिनेछ। यसरी क्षेत्रगत र चरणबद्ध रूपमा क्याम्प सञ्चालन गर्दा विभिन्न क्षेत्रका ग्राहकहरूले सहज रूपमा गुणस्तरीय सेवा र सहयोग प्राप्त गर्न सक्नेछन्।

क्याम्पमा सहभागी ग्राहकहरूले विभिन्न विशेष सुविधाहरू पाउनेछन्। यस अन्तर्गत स्पेयर पार्ट्स (सवारीसाधनका पुर्जा), लुब्रिकेन्ट (स्नेहक) तथा श्रम शुल्कमा १५ प्रतिशत छुट प्रदान गरिनेछ।

साथै, प्रत्येक सवारीसाधनको निःशुल्क निरीक्षण, सम्पूर्ण ‘बम्पर–टु–बम्पर’ जाँच, तथा निःशुल्क धुने र ग्रिज लगाउने सेवा उपलब्ध हुनेछ। यी सेवाहरूले सवारीसाधनको कार्यसम्पादन सुधार गर्न, मर्मत खर्च घटाउन र ग्राहकलाई सहज सेवा अनुभव प्रदान गर्न सहयोग पुर्‍याउनेछन्।

फोटोन नेपालले देशभर १४ भन्दा बढी बिक्री तथा सेवा केन्द्रहरूको विस्तारमार्फत बिक्रीपछिको सेवामा आफ्नो उपस्थिति अझ मजबुत बनाउँदै आएको छ। मएडब्लू वृद्धिको सहकार्यमा विकसित यस सञ्जालले ग्राहकलाई सधैं विश्वसनीय र गुणस्तरीय सेवा नजिकबाट उपलब्ध गराउने सुनिश्चितता दिन्छ।

साथै, नेपालभर १६६ भन्दा बढी सिसिएस–२ प्रकारका डिसी फास्ट चार्जिङ विन्दुहरू विस्तार गर्दै फोटोनले इभीको प्रयोगमा ग्राहकको विश्वास बढाउँदै लगिरहेको छ।

फोटोनको विश्वव्यापी ‘टोटल केयर’ अवधारणा अनुसार प्रत्येक क्याम्पमा दक्ष प्राविधिक, जेनुइन स्पेयर पार्ट्स (मौलिक पुर्जा) र पारदर्शी प्रक्रिया मार्फत उच्चस्तरीय सेवा प्रदान गरिनेछ।

नेपालमा एमएडब्लू वृद्धिले यस प्रतिबद्धतालाई व्यवहारमा उतार्दै प्रत्येक फोटोन ग्राहकका लागि विद्युतीय सवारीलाई अझ सहज र निश्चिन्त बनाइरहेको छ।