- २०८३ असोज ५ सोमबार
काठमाडौं । यो साता नेपाल स्टक एक्सचेन्ज (नेप्से) मा ३ कम्पनीका कुल ७ करोड ७१ लाख ६० हजार कित्ता सेयर सूचीकृत भएका छन्।
नेप्सेका अनुसार यस अवधिमा एनएमबि बैंक र माछापुच्छ्रे बैंकको अविमोच्य असञ्चिति सेयर र सोपान फर्मास्युटिकल्सका सेयर सूचीकृत भएका हुन्।
यस साता एनएमबी बैंकको ‘एनएमबी अविमोच्य असञ्चिति अग्राधिकार सेयर २५ प्रतिशत’ अन्तर्गत ‘एनएमबीपीएनपी’ संकेतमा ३ करोड कित्ता सेयर नेप्सेमा सूचीकृत भएको छ।
त्यसैगरी, माछापुच्छ्रे बैंकको अविमोच्य असञ्चिति अग्राधिकार सेयरअन्तर्गत ३ करोड कित्ता सेयर सूचीकृत भएको छ।
यस्तै, सोपान फर्मास्युटिकल्सको प्रारम्भिक सार्वजनिक निष्कासन (आईपीओ) अन्तर्गत १ करोड ७१ लाख ६० हजार कित्ता साधारण सेयर नेप्सेमा सूचीकृत भएको हो।
तीन कम्पनीको सेयर गरी कुल ७ करोड ७१ लाख ६० हजार कित्ता सेयर यस साता नेप्सेमा सूचीकृत भएको छ। सूचीकृत सेयर आवश्यक प्रक्रिया पूरा भएपछि दोस्रो बजारमा कारोबारका लागि खुला हुनेछन्।
© 2026 All right reserved to arthanepal.com | Site By : Sobij
