काठमाडौं – काठमाडौंको भृकुटीमण्डपमा भदौ ३ गतेदेखि जारी नाडा अटो शो २०२५ को समापन स्वास्थ्य तथा जनसंख्या मन्त्री प्रदीप पौडेलले गर्ने भएका छन् ।

नाडा अटोमोबाइल्स एशोसिएन अफ नेपालका अनुसार आज ३ः३० बजे समापन कार्यक्रम तय गरिएको छ । नाडा अटो शो २०२५ को औपचारिक उद्घाटन भने प्रधानमन्त्री केपी शर्मा ओलीले गरेका थिए । आयोजकका अनुसार, प्रदर्शनीको पाँचौ दिनसम्म एक लाख ५० बजार भन्दा बढीले अवलोकन गरेका छन् ।

नाडा अटोमोबाइल्स एसोसिएसन अफ नेपालको आयोजनामा १७ औं संस्करणको नाडा अटो  शोमा विभिन्न कम्पनीहरूले नयाँ मोडलका गाडी, इलेक्ट्रिक भेहिकल (ईभी) र अत्याधुनिक प्रविधियुक्त सवारी साधन सार्वजनिक गरेका छन् । अटो शोमा उड्ने ट्याक्सी मुख्य आकर्षण बनेको छ ।