काठमाडौं –   नेपाली बजारमा पुस ४ गते, बिहीबार, डलरको मूल्यले पुनः नयाँ रेकर्ड बनाएको छ। डलरको मूल्यले पछिल्लो दुई दिनदेखि निरन्तर नयाँ रेकर्ड बनाउने क्रममा रहेको छ।

नेपाल राष्ट्र बैंकका अनुसार यस दिन डलरको बिक्रीदर १३६ रुपैयाँ २३ पैसा र खरिददर १३५ रुपैयाँ ६३ पैसा रहेको छ। यो डलरको हालसम्मको उच्च मूल्य हो। यस अघि हिजो (बुधबार) डलरको मूल्यले नयाँ रेकर्ड बनाएको थियो। हिजो डलरको बिक्रीदर १३६ रुपैयाँ १४ पैसा रहेको र खरिददर १३५ रुपैयाँ ५४ पैसा थियो। अघिल्लो दिनको तुलनामा यस दिन डलरको मूल्य ९ पैसा बढेको हो।