काठमाडौं–त्रिभुवन विश्वविद्यालयले स्नातकोत्तर तह ९मास्टर्स० मा प्राइभेट परीक्षा दिन रोक्ने भएको छ ।
मास्टर्समा सबै विषय सेमेष्टरमा पढाइ हुने भएपछि वार्षिक प्रणालीको प्राइभेट परीक्षा त्रिविले नलिने भएको हो । परीक्षा नियन्त्रक पुष्पराज जोशीका अनुसार यस्ता परीक्षा सञ्चालन गर्ने जिम्मा अब खुल्ला विश्वविद्यालयलाई दिइनेछ ।
त्रिविले २ वर्षदेखि सञ्चालनमा रहेको खुल्ला विश्वविद्यालयलाई प्राइभेट परीक्षा सञ्चालन गर्ने जिम्मा दिने तयारी गरिरहेको छ । त्रिविले मास्टर्समा राजनीतिशास्त्र र सार्वजनिक प्रशासनमा प्राइभेट परीक्षा लिदैं आएको थियो । दिनहुँ कक्षा आउन नसक्ने विद्यार्थीका लागि खुल्ला विश्वविद्यालय भएपछि त्रिविले मास्टर्समा प्राइभेट परीक्षा सञ्चालन नगर्ने भएको हो । जोशीका अनुसार त्रिविमा हरेक वर्ष करिब ९ हजार विद्यार्थीले प्राइभेटमा मास्टर्सको परीक्षा दिने गरेका थिए ।