अर्थ नेपाल संवाददाता
काठमाडौं /नेपाल टेलिकमले ‘नमस्ते क्रेडिट सेवा’ सञ्चालनमा ल्याएको छ । नेपाल टेलिकमले आफ्नो १४ औं बार्षिकोत्सवको अवसरमा आफ्ना प्रिपेड ग्राहकको लागि यस्तो सुविधा ल्याएको हो । राजधानीमा सोमबार आयोजित बार्षिकोत्सव कार्यक्रममा सञ्चारमन्त्री मोहनबहादुर बस्नेतले यो सेवा सुरुवात गरेका छन् ।
प्रिपेड कार्ड बाहक ग्राहकले अब फोन गर्दा गर्दै पैसा सकिएमा पनि फोन काटिने छैन । यो योजनाको पूर्ण कार्यान्वयन आगामी एक महिनाभित्रबाट हुनेछ ।
यो योजनामा कति रकमको सीमा राखिने भन्ने बिषय टुंगो लाग्न बाँकी छ ।  ग्राहकले बिना पैसा कुरा गर्न पाएको समय बराबरको रकम भने पछि रिर्चाज गर्दा काटिने छ ।