वरिष्ठ साहित्यकार तथा पत्रकार मदनमणि दीक्षितको निधन

काठमाडौं – वरिष्ठ साहित्यकार तथा पत्रकार मदनमणि दीक्षितको निधन भएको छ ।
कालिकास्थानस्थित घरमै बिहीबार बिहान चार बजेतिर उनको निधन भएको पारिवारिक स्रोतले जनाएको छ ।
यसअघि निमोनियाका कारण सुमेरु अस्पतालमा भर्ना गरिएका दीक्षितलाई स्वास्थ्यमा सुधार आएपछि घर ल्याइएको थियो । ९७ वर्षको उमेरमा पनि उनी लेखपढ गर्न सक्ने अवस्थामा थिए ।
आजै उनको अन्त्येष्टि गरिने पारिवारिक स्रोतले जनाएको छ ।
मदनमणि दीक्षितको जन्म बाबु लक्ष्मणमणि आचार्य दीक्षित र आमा विष्णुकुमारीका सुपुत्रका रूपमा गैरीधारा, काठमाडौंमा विसं १९७९ फागुन ६ गतेका दिन भएको थियो । लामो समय पत्रकारिता गरेका मदनमणि उपन्यास, कथालेखन आदिमा चर्चित रहे । माधवी ग्रन्थका लागि उनलाई २०३९ सालमा मदन पुरस्कार प्रदान गरिएको थियो ।

© 2019 arthanepal.com All right reserved Site By : SobizTrend Technology